SEJĦA GĦAL ESPRESSJONI TA’ INTERESS GĦALL-KITBA, PRODUZZJONI U PREŻENTAZZJONI TAL-QARĊILLA WAQT L-ATTIVITAJIET TAL-KARNIVAL 2026

Qarċilla 2025 - Ritratt minn Darren Agius

Festivals Malta qed tilqa’ proposti ta’ interess għall-kitba, produzzjoni, preżentazzjoni u eżekuzzjoni tal-Qarċilla waqt l-attivitajiet tal-Karnival 2026.

Il-Qarċilla hi produzzjoni teatrali satirika u “tat-triq” li kienet sinonima fost l-attivitajiet tal-Karnival li kienu jsiru  f’pajjiżna lura fiż-żmien. 

Il-Qarċilla tikkonsisti f’kitba taż-żwieġ man-Nutar fejn matula jkunu trattati b’mod satiriku dak kollu li jkun qed jiġri f’Malta u madwarna.

Il-Qarċilla reġgħet bdiet tiġi mtellgħa bħala parti mill-attivitajiet tal-Karnival fl-2014. 

Dawk interessati li jtellgħu din il-produzzjoni għandhom jibgħatu l-proposta tagħhom li tinkludi idea tal-iscript, pjan ta’ preżentazzjoni, u dettalji dwar l-atturi, kontenut mużikali u produzzjoni tal-istess. L-istess proposta tkun tinkludi kwalunkwe talba għal ħlas li tista’ tiġi ppreżentata fl-eventwalità ta’ produzzjoni u eżekuzzjoni tal-istess.

Hu mistenni li l-Qarċilla tittella’ fl-apert fi Triq l-Ordinanza, il-Belt Valletta fil-jiem tal-Karnival speċjalment bi produzzjoni kull siegħa waqt l-attivitajiet tal-Karnival tas-Sibt u l-Hadd wara nofsinhar (allura bejn is-1pm u s-6pm).

Għall-preżentazzjoni tal-Qarċilla fit-triq, Festivals Malta jipprovdi dawl (floodlighting tal-area) u sistema tas-sound li tinkludi dan li jidher hawn taħt :-

Public Address System	An adequate Public Address System with 2 self-amplified speakers and the necessary microphones for such representation (circa 12 cordless headset mics) and other wired mics (circa 6) together with the necessary mixer and all supporting equipment.
Floodlights	2 stands including 4 1000W floodlights or equivalent on each stand for Qarċilla representation to be held in front of performance area in Ordinance Street.

Oltre (jekk meħtieġ) tipprovdi sa 12-il crowd control barriers (normali). Kwalunkwe materjal ieħor meħtieġ għall-eżekuzzjoni tal-produzzjoni, irid jiġi provdut mill-persuna responsabbli biex itella’ tali rappreżentazzjonijiet.

Oltre jkun mistenni li bi ftehim ma’ Spazju Kreattiv, din il-produzzjoni tittella’ (fejn meħtieġ b’modifika sabiex tkun addatata għall-ambjent ġewwa t-teatru) f’żewġ jew tliet serati apposta hekk kif maqbula bejn il-partijiet konċernati.

Il-produzzjoni tal-Qarcilla tista tittella’ f’postijiet oħra iżda dejjem wieħed irid jgħid li tali produzzjoni hi mtellgħa għal u megħjuna minn Festivals Malta. Dan isir wara talba u qbil fejn tali produzzjoni tista’ tiġi mtellgħa.

Is-sottomissjonijiet ta’ espressjoni ta’ interess għall-kitba, produzzjoni u preżentazzjoni tal-Qarċilla waqt l-Attivitajiet tal-Karnival 2026 għandha ssir permezz ta’ email fl-indirizz elettroniku info.fm@festivals.mt sa mhux aktar tard minn nofsinhar ta’ nhar it-Tlieta 1 ta’ Lulju, 2025.