Mużika Mużika 2026: Jitħabbru s-16-il kanzunetta finalista

Is-sitt edizzjoni  ta’ Mużika Mużika ser issir bejn id-19 u l-21 ta’ Marzu 2026.

Illum, 3 ta’ Novembru 2025, Festivals Malta ħabbret is-16-il kanzunetta finalista li se jiġu ppreżentati waqt is-sitt edizzjoni ta’ Mużika Mużika. Simili għall-edizzjoni preċedenti, din is-sena dawn is-16-il kanzunetta se jgħaddu direttament għall-finali mingħajr eliminazzjoni.

Fil-fażi ta’ qabel, ġew magħżula 30 kanzunetta permezz ta’ ġurija esperta, fejn ilbieraħ dawn ġew interpretati permezz ta’ live audition quddiem ġurija separata. Wara deliberazzjoni estensiva mill-ġurija ġew magħżula is-16-il kanzunetta finalista fil-preżenza tan-Nutar tal-Gvern.

Il-Kap Eżekuttiv ta’ Festivals Malta, Frans Agius qal, “Kif dejjem qed naraw sena wara sena, Mużika Mużika qed jattira diversi kantanti, kompożituri, u awturi kemm ġodda u kemm veterani lejh. Kuntenti bil-konkorenza u l-livell għoli ta’ sottomissjonijiet, u ħerqana għas-sitt edizzjoni tal-festival f’Marzu tas-sena d-dieħla. Nawguraw lis-16-il finalist u nirringrazzjaw lil kull min issottometta l-applikazzjoni tiegħu.”

Il-Bord ta’ Mużika Mużika flimkien mat-tim ta’ Festivals Malta se jgħaddi għall-fażi li jmiss, fejn issa jibdew bi sħiħ il-preparamenti loġistiċi, inkluż l-arranġamenti mużikali għall-festival li se jsir bejn id-19 u l-21 ta’ Marzu 2026.

Il-kanzunetti finalisti huma dawn (f'ordni alfabetika skont l-isem tal-kanzunetta):

Kanzunetta	Artist/i	Kompożitur/i	Awtur/i
Avventura	MARA	Philip Vella	Joe Julian Farrugia
Fuq Ponot Subgħajja	Jolene Samhan	Marc Andre Dold	Leanne Ellul
Glorja Lilek	Lapes u Nadine	Claude Agius, Nadine Chircop, u Edward Abela	Claude Agius u Nadine Chircop
Ħej Siri	Marija Bellia	Marija Bellia, Iona Dalli, u Peter Borg	Marija Bellia
Id f'Id	Keith Zammit Mintoff	Matthew James u Paula Zammit Mintoff	Matthew James, u Keith Zammit Mintoff
Indur Għalik	Lara & The Jukeboys	Lara Privitera, Gianluca Privitera, Jean Luc Camilleri, Antonio Borg u Matthew James	Lara Privitera, Gianluca Privitera, Jean Luc Camilleri, Antonio Borg, u Matthew James
Int u Jien	Kevin Paul	Kevin Paul Calleja, Edward Abela, u Matthew James	Kevin Paul Calleja, Edward Abela, u Matthew James
Jekk Forsi	Mark Spiteri Lucas u  Debbie Scerri	Mark Spiteri Lucas	Emil Calleja Bayliss
L-Aħħar Jum	Nathan Psaila	Cyprian Cassar	Lon Kirkop
Lilek Sibt	Kristy Spiteri	Philip Vella	Joe Julian Farrugia
Nifs	ATT	Philip Vella	Philip Vella
Niftakarna	Daniel Cauchi	Daniel Cauchi, Chris Gatt, u Robert Spiteri	Michael Spagnol
Nistaqsi	Jasmine Abela	Glen Vella	Philip Vella
Poeżija Mingħajr Tmiem	The Travellers	Andrew Vella	Andrew Vella
Sensazzjoni	Jessica ft. J Joy	Glen Vella	Philip Vella
Twarrabnix	Nicola Vella u Mark Tonna	Ray Agius	Evelyn Saliba La Rosa u Michael Vella Haber

 Għal aktar informazzjoni żur www.muzikamuzika.mt

https://www.youtube.com/watch?v=oKexE55QjG4

Ritratti fil-filmat: Marija Grech